> Вступайте в наш молитвенный чат в Телеграм <

Более 2 тысяч человек молятся друг за друга в нашем чате каждый день. Присоединяйтесь! Бог слышит общие молитвы.

Молитвы мученикам князю Михаилу и Феодору Черниговским

Молитва первая

О святии великомученицы Христовы княже Михаиле и болярине Феодоре! Помилуйте ны, грешныя и недостойныя (имена), в бедах и скорбех и в печалех пребывающая, и от всякия злыя напасти, от злаго же и обидящаго человека нас охраните, ибо дана вам бысть таковая благодать от Бога, еже молитися за нас, грешных, в бедах и напастех зле страждущих. Будите убо нам поборницы крепцыи на вся видимыя и невидимыя враги наша. О Великомученицы княже Михаиле и болярине Феодоре, предстоятели Небеснаго Царя! Не отвержите моления нашего от нас приносимаго, но от настоящих бед и скорбей и печалей, таже и от будущаго мучения избавите нас, верно вопиющих Богу: Аллилуиа.

Молитва вторая

О великомученицы Христовы и исповедницы, благоверный княже Михаиле и болярине Феодоре! Храбрии есте в ратех и врагом прогонители и обидимым заступницы всем православным христианом! Помилуйте нас, грешных и недостойных раб своих, в бедах и скорбех и в печалех и во всякой злой напасти и от всякаго злаго и обидящаго челвека, ибо дана вам бысть таковая благодать от Бога молитися за нас грешных, в бедах и напастех зле страждущих, и избавите нас от обидящих и ненавидящих: будите нам поборницы крепки на вся видимыя и невидимыя враги наша. О великомученицы всехвальнии и исповедницы веры Христовы, княже Михаиле и болярине Феодоре, предстоятели небеснаго Царя! Приимите моление наше от недостойных рабов своих, всех православных христиан, настоящих бед и скорбей и печалей и будущаго мучения избавите нас, верно вопиющих к Богу: Аллилуиа.

Помощь сайту Православная-Библиотека.Ru

Молитва Михаилу, первому митрополиту Киевскому
Молитвы Святому Архангелу Михаилу

By accepting you will be accessing a service provided by a third-party external to https://pravoslavnaya-biblioteka.ru/

Copyright © Православная-Библиотека.Ru 2009-2022
Все права защищены