> Вступайте в наш молитвенный чат в Телеграм <

Более 2 тысяч человек молятся друг за друга в нашем чате каждый день. Присоединяйтесь! Бог слышит общие молитвы.

Молитва святителю Иоанну Милостивому


Святителю Божий Иоанне, милостивый защитниче сирых и сущих в напастех! К тебе прибегаем и тебе молимся, яко скорому покровителю всех ищущих от Бога утешения в бедах и скорбех: не престай, моляся ко Господу о всех с верою притекающих к тебе! Ты преисполнен быв Христовы любве и благости, явился еси яко чудный чертог добродетели милосердия и стяжал еси себе имя милостивый: ты был еси яко река, непрестанно текущая щедрыми милостьми и всех жаждущих обильно напаяющая. Веруем, яко, по переселении от земли на небо, усугубися в тебе дар благодати сея и яко соделался еси неисчерпаемый сосуд всякия благостыни. Сотвори убо твоим ходатайством и заступлением пред Богом всякия утехи, да еси прибегающий к тебе обретают мир и безмятежие: даруй им утешение в печалех временных и пособие в нуждах житейских, всели в них надежду вечнаго упокоения во Царствии Небеснем. В житии твоем на земли ты был еси пристанище всем сущым во всякой беде и нужде, обидимым и недугующым, и ни един от притекавших к тебе и просивших у тебе милости лишен бысть твоея благостыни: тожде и ныне, царствуя со Христом Богом на Небеси, яви всем покланяющымся пред честною твоею иконою и молящымся о помощи и заступлении. Не точию сам ты творил еси милость беспомощным, но и сердца других воздвигал еси ко утешению немощных и ко призрению убогих: подвигни убо и ныне сердца верных к заступлению сирых, ко утешению скорбящих и успокоению неимущих, да не оскудевают в них дары милости, паче же да вселится в них и в дому сем, призревающем страждующих, мир и радость о Дусе Святе, во славу Господа и Спаса нашего Иисуса Христа, во веки веков. Аминь.

Помощь сайту Православная-Библиотека.Ru

Молитва преподобному Иоанну Многострадальному
Молитва преподобному Иоанну Кущнику

By accepting you will be accessing a service provided by a third-party external to https://pravoslavnaya-biblioteka.ru/

Copyright © Православная-Библиотека.Ru 2009-2022
Все права защищены